Innst. 81 S (2021–2022)
Innstilling frå transport- og kommunikasjonskomiteen om Endringar i statsbudsjettet 2021 under Samferdselsdepartementet og Endringer i statsbudsjettet 2021 under Kommunal- og moderniseringsdepartementet
Tilråding frå komiteen
Dette er vedtaket komiteen ber Stortinget gjøre.
I
I statsbudsjettet for 2021 blir det gjort følgjande endringar:
Tabellen er for stor til å vises her. Du finner den i originaldokumentet.
Fullmakter til å forplikte staten utover gitte løyvingar
II
Fullmakter til å forplikte staten for investeringsprosjekt
Stortinget samtykkjer i at Samferdselsdepartementet i 2021 kan:
-
1)
starte opp desse investeringsprosjekta: innanfor ei kostnadsramme på: Rv. 555 Damsgård- og Nygårdstunnelane 781 mill. kroner E16 Dalevåg-, Dalseid-, Trollkone-, Hernes- og Hyvingstunnelane 953 mill. kroner -
2)
halde fram med dette investeringsprosjektet: innanfor ei kostnadsramme på: E16 Arnanipa-, Sætre- og Bjørkhaugtunnelane 867 mill. kroner -
3)
gjennomføre dei tidlegare godkjende investeringsprosjekta: innanfor ei endra kostnadsramme på: Rv. 13 Ryfast 8 776 mill. kroner E39 Eiganestunnelen 3 888 mill. kroner E16 Gudvanga- og Flenjatunnelane 987 mill. kroner
Fullmaktene gjeld òg forpliktingar som blir inngåtte i seinare budsjettår, innanfor kostnadsramma for prosjekta. Samferdselsdepartementet blir gitt fullmakt til å prisjustere kostnadsrammene i seinare år.
III
Fullmakt til å forplikte staten for deltaking i forskings- og innovasjonsprogrammet Europe’s Rail
Stortinget samtykkjer i at Samferdselsdepartementet i 2021 får fullmakt til å forplikte staten ut over budsjettåret for Noregs deltaking i forskings- og innovasjonsprogrammet Europe’s Rail, med inntil 22,2 mill. euro i perioden 2022–2031 under kap. 1352 Jernbanedirektoratet, post 21 Spesielle driftsutgifter – planar og utgreiingar.
Andre fullmakter
IV
Overføring av ubrukte løyvingar
Stortinget samtykkjer i at Samferdselsdepartementet får fullmakt til å overføre inntil 21,9 mill. kroner i udisponert beløp på kap. 1320 Statens vegvesen, post 63 Tilskot til gang- og sykkelvegar, frå 2021 til 2022.
Forslag fra mindretall
Forslag som bare et mindretall i komiteen sto bak.
Høyre
- Forslag 1
På kap. 1330 post 72 (ny) bevilges 450 mill. kroner til kollektivselskapene som kompensasjon for redusert trafikk som følge av pandemien.
Hele dokumentet 2 kapitler
Samandrag Samferdselsdepartementet foreslår i proposisjonen endringar i løyvingar mv. for programkategoriane 21.20 Luftfartsformål, 21.30 Vegformål, 21.40 Særskilde transporttiltak, 21.50 …
Samferdselsdepartementet
Samferdselsdepartementet foreslår i proposisjonen endringar i løyvingar mv. for programkategoriane 21.20 Luftfartsformål, 21.30 Vegformål, 21.40 Særskilde transporttiltak, 21.50 Jernbaneformål, 21.60 Kystforvaltning og 22.10 Posttenester. Det blir òg foreslått nokre kostnadsrammer under vegformål og orientert om nokre saker under vegformål og særskilde transporttiltak.
I proposisjonen blir det gjort framlegg om kostnadsrammer for prosjekt som enno ikkje har fått kostnadsrammene sine fastsett av Stortinget, eller der kostnadane av ulike grunnar er auka. Det gjeld prosjekta rv. 555 Damsgård- og Nylandstunnelane, E16 Arnarnipa-, Sætre- og Bjørkhaugtunnelane i Bergen kommune, E16 Dalevåg-, Dalseid-, Trollkone-, Hernes- og Hyvingstunnelane i kommunane Vaksdal og Voss, rv. 13 Ryfast i kommunane Strand og Stavanger, E39 Eiganestunnelen i Stavanger kommune og E16 Gudvanga- og Flenjatunnelane i Aurland kommune.
Kommunal- og moderniseringsdepartementet
Kommunal- og moderniseringsdepartementet foreslår i proposisjonen endringar i løyvingar mv. for fleire programkategoriar. I denne innstillinga blir endringane på kap. 541 IT- og ekompolitikken og kap. 542 Internasjonalt samarbeid handsama.
Departementet foreslår ein reduksjon i løyvinga for 2021 med 0,3 mill. kroner på kap. 541.
På kap. 542 post 1 Driftsutgifter foreslår departementet at løyvinga blir redusert med 2 mill. kroner. På post 70 Internasjonale program foreslår departementet at løyvinga blir redusert med 12,5 mill. kroner.
Merknader frå komiteen Komiteen, medlemene frå Arbeidarpartiet, Tom Kalsås, Kirsti Leirtrø og Nils Kristen Sandtrøen, frå Høgre, Liv Kari Eskeland, Trond Helleland og Erlend Larsen, frå Senterpartiet …
Komiteen, medlemene frå Arbeidarpartiet, Tom Kalsås, Kirsti Leirtrø og Nils Kristen Sandtrøen, frå Høgre, Liv Kari Eskeland, Trond Helleland og Erlend Larsen, frå Senterpartiet, Geir Adelsten Iversen, Geir Inge Lien og leiaren Erling Sande, frå Framstegspartiet, Terje Halleland og Morten Stordalen, og frå Sosialistisk Venstreparti, Mona Fagerås, viser til dei endringane regjeringa foreslår i statsbudsjettet for 2021. Komiteen merkar seg at ei rekkje av justeringane er knytte til koronapandemien og endra føresetnader som følgje av utviklinga av pandemien.
Kap. 541 IT- og ekompolitikk
Post 70 Forvaltningsutvikling
På denne posten vert det løyvd ymse tilskot og kontingentar innanfor forvaltningsutvikling, IT- og ekom-politikk. Regjeringa syner til at det på grunn av svingingar i valutakursane er eit lågare behov på posten enn forventa, og foreslår at løyvinga på posten vert redusert med 0,3 mill. kroner.
Kap. 542 Internasjonalt samarbeid
Post 1 Driftsutgifter
Løyvinga på posten dekkjer utgifter til løn og drift for nasjonale ekspertar til EU-kommisjonen. Komiteen viser til at regjeringa foreslår å redusere posten med 2 mill. kroner. Grunnen er at det i 2021 har vore berre éin nasjonal ekspert i EU-kommisjonen, og det var opphavleg budsjettert med tre ekspertar.
Post 70 Internasjonale program
Komiteen viser til at løyvinga gjeld EU-program som Noreg tek del i etter EØS-avtala, og dekkjer programkontingentar og andre utgifter til EU-program. Utgiftene har blitt lågare enn antatt, og regjeringa foreslår av den grunn ein reduksjon i løyvinga på 12,5 mill. kroner.
Kap. 1310 Flytransport
Post 70 Kjøp av innanlandske flyruter
Komiteen merkar seg forslaget om å redusere løyvinga på posten med 805 mill. kroner som ein konsekvens av mindrekostnader. Løyvinga er knytt til kjøp av ordinære FOT-ruter, ei ordning for meirkompensasjon til FOT-ruteoperatørane og mellombelse flyrutekjøp som følgje av koronapandemien.
Kap. 1311 Tilskot til regionale flyplassar
Post 72 Tilskot til dekking av tap
Komiteen viser til at departementet foreslår ein reduksjon på 82,3 mill. kroner i løyvinga som skal dekkje tap for driftsselskapa ved Sandefjord Lufthamn Torp og Haugesund Lufthamn Karmøy. Bakgrunnen er at lufthamnene har fått utbetalt det dei har rett på etter ordninga.
Kap. 1315 Tilskot til Avinor
Post 71 Tilskot til pålagde oppgåver
Komiteen peikar på at løyvinga her vert foreslått redusert med 31 mill. kroner som følgje av redusert framdrift i planlegginga av ny lufthamn ved Mo i Rana.
Kap. 1320 Statens vegvesen
Post 1 Driftsutgifter
Komiteen vil vise til at departementet foreslår ein reduksjon på 5 mill. kroner under denne posten. Bakgrunnen er reduserte kostnader på 50 mill. kroner i beløpet som var sett av til omstilling i etaten, samtidig som etaten har auka kostnader knytte til sal av tenester til fylkeskommunane og eksterne på 45 mill. kroner.
Post 28 Trafikant- og køyretøytilsyn
Her merkar komiteen seg at på grunn av lågare aktivitet knytt til utekontroll, reiseverksemd og overtid med bakgrunn i pandemien vert denne posten foreslått redusert med 70 mill. kroner.
Post 29 OPS-Prosjekt
Manglande avklaringar gjer at tidspunkta for start og gjennomføring av enkelte tunneltryggingstiltak på OPS-strekninga Klett–Bårdshaug på E39 er uklare, og komiteen merkar seg at departementet på den bakgrunnen foreslår ein reduksjon på 48 mill. kroner.
Post 30 Riksveginvesteringar
Komiteen viser til at regjeringa her foreslår å redusere løyvinga på posten med 212 mill. kroner fordi føresetnaden var at desse midlane var tenkt knytte til lokale tiltak i byvekstavtalar og derfor bør ligge under kap. 1332 post 66 Tilskot til byområda. Departementet foreslår difor å auke denne posten tilsvarande.
Post 63 Tilskot til gang- og sykkelvegar
Komiteen syner til at på bakgrunn av at det er unytta midlar på posten, foreslår regjeringa ei fullmakt til å overføre inntil 21,9 mill. kroner frå 2021 til 2022. Dette vert gjort ved forslaget til fullmakt i romartalsvedtak IV.
Post 65 Tilskot til fylkesvegar
Departementet foreslår å redusere denne posten med 88 mill. kroner. Komiteen merkar seg at bakgrunnen for dette er at det ikkje er gjeve tilsegn for denne summen, og at pengane ikkje vil bli nytta.
Post 72 Kjøp av riksvegferjetenester
På denne posten har regjeringa foreslått ein reduksjon på 160 mill. kroner. Komiteen registrerer at både kostnadssida og inntektssida er justerte, men at når det likevel vert varsla ein reduksjon, er noko av bakgrunnen at kostnadsindeksane som vart nytta for å fastsette kompensasjonen til reiarlaga, har hatt ei svakare utvikling enn det som vart lagt til grunn for kontraktpliktene. Kompensasjon knytt til å oppfylle krav i regelverk for kloakk vert heller ikkje utbetalt i 2021.
Kap. 1330 Særskilde transportttiltak
Post 70 Kjøp av sjøtransporttenester på strekninga Bergen–Kirkenes
Komiteen viser til departementet sitt framlegg om å redusere denne posten med 173 mill. kroner grunna forsenka ferdigstilling av Havila Kystruten sine fire skip.
Ny post 72: Kollektivselskaper
Komiteens medlemmer fra Høyre viser til at kollektivselskapene rapporterer om langt lavere trafikk enn nivået før pandemien. Det gjenstår å se om endringene i reisevanene er permanente eller midlertidige. Disse medlemmer mener kollektivtilbudet ikke kan bygges ned før man vet om endringene i reisevaner er permanente eller ikke, og vil gi kollektivselskapene tid til å utvikle nye og fleksible billettløsninger tilpasset de endrede reisemønstrene. Disse medlemmer viser til at Høyre, Venstre og Kristelig Folkeparti har blitt enige om en kompensasjon til kollektivselskapene.
Disse medlemmer fremmer derfor følgende forslag:
«På kap. 1330 post 72 (ny) bevilges 450 mill. kroner til kollektivselskapene som kompensasjon for redusert trafikk som følge av pandemien.»
Komiteens medlemmer fra Arbeiderpartiet, Senterpartiet og Sosialistisk Venstreparti viser til budsjettenigheten mellom disse partiene, som etablerer flertall for en kompensasjon på 500 mill. kroner til kollektivtransporten på kapittel 572, post 60 (KMD) fordelt over henholdsvis 250 mill. kroner i nysalderingen og 250 mill. kroner i statsbudsjettet for 2022.
Kap. 1332 Transport i byområde mv.
Post 63 Særskilt tilskot til store kollektivprosjekt
Komiteen viser til at på grunn av manglande framdrift ved prosjekta Fornebubanen, Bybanen i Bergen og Bussvegen på Jæren er denne posten foreslått redusert med 1 400 mill. kroner.
Post 66 Tilskot til byområde
Komiteen viser til omtalen under kap. 1320 post 30 riksveginvesteringar, der det går fram at denne posten vert foreslått auka med 212 mill. kroner ved ei omdisponering frå kap. 1320 post 30.
Kap. 1352 Jernbanedirektoratet
Post 1 Driftsutgifter
Komiteen viser til departementet sitt forslag om å auke løyvinga på kap. 4352 post 1 Ymse inntekter med 7,8 mill. kroner, samstundes som løyvinga på denne posten vert auka tilsvarande. Bakgrunnen er sal av tenester knytte til filminnspeling og auka aktivitet på Lokførarskulen.
Kap. 1360 Kystverket
Post 1 Driftsutgifter og post 50 Tilskot
Komiteen merkar seg at løyvinga på denne posten er auka med 25 mill. kroner samstundes med ein tilsvarande reduksjon på kap. 1362 post 50. Bakgrunnen er at Kystverket har overteke ansvaret for vidare planlegging av eit senter for testing, øving og teknologiutvikling knytt til beredskap.
Kap. 4313 Luftfartstilsynet
Post 1 Gebyrinntekter
Her viser komiteen til at departementet foreslår å redusere løyvinga med 34,8 mill. kroner på grunn av reduserte inntekter som følgje av aktivitetsreduksjon i luftfartsmarknaden som ein konsekvens av pandemien.
Kap. 4320 Statens vegvesen
Post 1 Salsinntekter m.m.
Her viser komiteen til at med bakgrunn i mellom anna auka salsinntekter som følgje av tenestesal til fylkeskommunane foreslår departementet ein auke i løyvinga på 60 mill. kroner.
Post 2 Ymse gebyr
Departementet viser til at grunna større aktivitet og høgare volum knytt til dømes til førarprøver og teoriprøver enn det som var lagt til grunn i statsbudsjettet for 2021, vert løyvingane auka med 20 mill. kroner. Komiteen merkar seg dette.
Kap. 4370 Posttenester
Post 70 Tilbakebetaling post og banktenester
Komiteen merkar seg at det på denne posten vert lagt inn 58,5 mill. kroner som følgje av tilbakebetaling av midlar løyvde til kjøp av post- og banktenester frå Posten Norge AS. Bakgrunnen er ei etterrekningsordning som skal sikre at løyvingane er i tråd med det faktiske behovet.
Kap. 5577 Sektoravgifter under Samferdsledepartementet
Post 74 Sektoravgifter Kystverket
Her viser departementet til at Kystverket i samband med lønsoppgjeret vart tildelt 8,7 mill. kroner over kap. 1360 post 1 Driftsutgifter. Komiteen merkar seg at forslaget medfører at denne posten må aukast tilsvarande.
Kap. 5624 Renter av Svinesundsforbindelsen AS
Post 80 Renter
Komiteen registrerer at på grunn av renteendringar vert denne posten redusert med om lag 0,3 mill. kroner.
Andre vegsaker
Komiteen viser til at det i proposisjonen er lagt fram endra kostnadsrammer for nokre vegprosjekt. Grunnen til dei endra kostnadsrammene er faktiske og moglege kostnadsaukar i prosjekta. For detaljar syner komiteen til proposisjonen.